Би тэгж санадаг

Би нэг зүйлийг санадаг

Тэр нэгэн болзоо гашуун байсан

Би нэг зүйлд шаналдаг

Тийм гэхийн аргагүй хайр сэтгэл байдагт

Би нэг зүйлийг боддог

Тэгшхэн хөлтэй өндөр залууг

Би нэг зүйлд гунидаг

Тэр залуу өөр хүнийх байсанд

Би нэг зүйлийг үзэн яддаг

Тэнэг хүн ухаантай хүнээс сайхан амьдархад

Би нэг зүйлд атаархдаг

Тэр охин хөлгүй ч надаас сайхан инээмсэглэдэг

Би нэг зүйлийг өрөвддөг

Тэнхлэгээ эргэдэг дэлхий хором ч амардаггүйд

Би нэг зүйлд өмөрдөг

Тэнгэрийн нар ганцхан байгаад....

Соломон хааны сургаалаас

• Урьд байсан юмс л бий болно. Бүтэж бүрэлдсэн бүхэн л ахиж бүрэлдэнэ. Нарны дор цоо шинэ юм гэж огтоос үгүй.
• Ухаан мэргэнээс олон гай үүддэг. Мэдлэг нэмэгдэнэ гэдэг зовлон нэмэгдэнэ гэсэн үг.
• Би олон юм үзсэний эцэст, эгээ л харанхуйг бодвол гэрэл гэгээ илүү хэрэгтэйн адил, мунхаг явснаас ухаантай байх нь хавьгүй чухлыг ойлгов.
• Тэнгэрийн дор бүх юм өөрийн гэсэн цагтай. Төрөх хийгээд үхэх цаг гэж байна. Эвдэн сүйтгэх ба бүтээн босгох цаг ч гэж байна. Чулууг тарааж хаях цаг, цуглуулж овоолох цаг ч бий. Дуугүй байх цаг, бодсноо хэлэх цаг ч мөн бий.
• Бурхан гэдэг хүмүүнийг соён гэгээрүүлэхийн тулд л юм. Учир нь хүмүүс бол малаас ер ялгаагүйг тэр л гагцаар мэднэ.
• Бүх юм хумхийн тоосноос бий болсон. Эргээд хумхий тоос л болно.
• Амласан бол биелүүл. Амлачихаад биелүүлэхгүй байснаас огт амлаагүй нь дээр.
• “Ухаантан болчихлоо” гэж бодох үед минь ухаан надаас хол...
• Мунхаг оюун ямагт өндөр албан тушаалд тохоогддог. Харин эрүүл ухаанд түүний доогуурхи нь оногддог.
• Хаадыг аман дотроо ч бүү хараа, баячуудыг хөнжил дотроо ч битгий зүх. Ийм зүхлийг тэнгэрийн шувууд зууж аваад жигүүртнийхээ зангаар энд тэндгүй цацчихдаг юм.
• Амаа хамхина гэдэг сэтгэлээ хямгадна гэсэн үг. Ам хэдийчинээ сул байна, төдийчинээ муу юм дагана.
• Их инээхэд зүрх өвддөг. Баярлаж хөөрсний эцэст ямагт гуних болно.
• Сайхан хэрнээ замбараагүй бүсгүй бол хоншоортоо алтан цагираг зүүсэн гахайнаас өөрцгүй.
• Өөгүй дардан мэт санагдагч замууд бий л дээ. Гэвч ийм замын үзүүрт ямагт үхэл хэвтэж байдаг.
• Маргаашаараа бүү гайхуул. Болоогүй байгаа тэр өдөр юуг ч төрүүлж мэднэ.
• Олон хүн төр засгийн эрх баригчдаас сайн сайхныг горилж хүлээх юм. Харин хүний хувь заяа гэдэг төр засгаас биш, бурхнаас үүдэлтэй шүү дээ.

Хэрэв чамд хэн нэгэн хүмүүс: “Бидэнтэй нийл. Бид үнэт эрдэнэсийг төрөл төрлөөр нь олж, орон гэрээ олзоор дүүргэх болно” гэвэл, хүү минь, тэдэнтэй л бүү нийл.

...Хайрын тухай гэхээр нэг л  эмзэглэмээр.Бичмээргүй санагдсан ч бичих л болдог үйлтэй юм.Дандаа л гунигт түүх байх нь бүр ч гайхалтай.Санаандгүйхэн хайр гээд хэл л дээ.Тэнгэрийн цэнхэр туяа, гүн хөх мөрний гунигтай давалгаа ч сонсогдох шиг болно.Сонин шүү бурхан минь.Хайрлаж үзээгүй гэвэл худлаа л даа.Үзсэн гэхээр бүр ч худлаа.Гомдмоор юм.Энэ хорвоо ертөнц байгал дэлхийн хамгийн энэрэнгүй бус тавилан бол хайр л . Яагаад ч юм бүтсэн бүтээгүй дурлал хаа сайгүй л тааралдана.Тэр тусмаа л хайрлаж үзмээр санагдана.

Хэнийг ч битгий хайрла...

Би хэнийг ч хайрлаж байгаагүй

Цор ганц үнэн минь энэ

Цовдлуулсан ЕсҮсийг

Өрөвдөх хэрэггүй учир нь

Өвдөлтийг тэр мэдрээгүй

Залуу нас гэж

Олон юм донгосох хэрэггүй

Заяа нь ирвэл бүгд л үхнэ

Хөгшин гэж битгий яларх

Хүн бүхэн л хөгшрөнө

Хөдөлмөрөөс төрснөө мартчихсан

Хөгийн тэр хүмүүсээс  юу ч битгий асуу

Өгзгөндөө хүндрүүлэгчтэй

Суудлын донтонгууд

Өрөвдмөөр

Өөхөлсөн сарьсан багваахайнууд

Гаднаа сүрчигтэй болхоор

Өмхий нь ханхалдаггүй юм

Гадагшилж байгаа үгийг нь л сонс

Чих чинь өтөхвий уучлаарай

Чимээгүй болгохын тулд 

Чихээд бай мөнгийг нь амруу нь

Ай хөөрхий үзэн ядалт энэ биш

Алдар нэрийн дон ч биш

Зүгээр л сая зүүдэлсэн

Сэрээгүй гуниг...

Хэнийг ч битгий хайрла

Христ чинь гомо ч юм билүү